13. september hevði Varðin Pelagic vitjan av ríkisumboðum og limum úr danska Fólkatinginum. Fyrst á skránni var kaffi og smákøkur frá okkara kantinu og framløga frá rakstrarstjóranum, Ólavur Bjarkhamar. Hann greiddi gestunum frá okkara søgu, virksemi, og hvønn týdning Varðin Pelagic hevur fyri Suðuroynna. Eftir framløguna fóru gestirnir til rundsýning av virkinum. Limir í okkara leiðslubólki førdu gestirnar runt virkið og greiddi teimum frá okkara framleiðslu.

Gestirnir høvdu sera stramma tíðarætlan og vórðu tí leiddir út á landingarhavnarlagið hjá Varðanum Pelagic, tá ið vitjanin var lokin. Har tók MS Thorshavn móti gestunum við harmoniku og kontrabassi umborð klárur at føra teir yvir um fjørðin til mentanarhúsið Salt.