Árliga altjóða fiskivinnumessan í Barcelona byrjaði í morgun og heldur áfram til hósdagin 25. apríl.

Varðin hevur havt bás á hvørjum ári, síðan felagið varð stovnað í 2012, fyrstu árini í Bruxelles, og nú í Barcelona, har messan flutti til fyri nøkrum árum síðan.

Básurin hjá Varðanum hevur verið væl vitjaður. Fólk úr mongum ymiskum londum hava vitjað, bæði gamlir kundar og møguligir nýggir kundar.

Hetta er fyrstu ferð at Varðin hevur bjóðað smakkiroyndir av uppisjóvarfiski. Tað var vársild frá Gutta, og makrelur, sum Annika Gleðisheyggj hevur roykt.

Vit hava tikið nakrar myndir, sum lýsa góða stemningin á básinum. Ikki minst tá landstýrismaðurin í fiskivinnumálum, Dennis Holm vitjaði básin. Stjórin, Bogi Jacobsen, og onnur fólk hjá Varðanum fingu eitt gott prát við landsstýrismannin, og tey sum vóru í fylginum.

Silda- og makrelbitar tilgjørdir og serveraðir til stjóran á Norðlýsinum.

Kundar á vitjan.

Landstýrismaðurin í fiskivinnumálum, Dennis Holm og aðalstjórin, Elin Mortensen, saman við stjóranum, Boga Jacobsen og Tórheðin Jensen, marknaðarleiðara.

Landsstýrismaðurin í fiskivinnumálum, Dennis Holm, saman við Boga Jacobsen, stjóra, og Ólavi Bjarkhamar, rakstrarstjóra hjá Varðanum Pelagic.

Vábingar hittast í Barcelona: Landstýrismaðurin í fiskivinnumálum saman við bygdamonnunum Rana Nolsøe og Pætur Augustinussen.