Í síðstu viku var umhvørvisvika á Tvøroyri og í hesum sambandi skipaði Varðin Pelagic fyri einum temadegi, har fokus varð lagt á orku og umhvørvi.

Temadagurin byrjaði við, at starvsfólk hjá Varðanum Pelagic, í samstarvi við Tvøroyrar kommunu, ruddaðu økið rundan um virkið.

Seinnapartin høvdu umboð fyri SEV og ORKA framløgur fyri starvsfólkunum um orkuframleiðslu og -sparing, har dentur varð lagdur á, hvussu vit í gerandisdegnum kunnu verða meira tilvitað um orkunýtslu bæði á arbeiðsplássinum og heima við hús.

Varðin Pelagic vil takka øllum, ið luttóku í temadegnum fyri ein væleydnaðan og læruríkan dag.