Jonhard Danielsen, sum siglir við Jupiter skrivar á Facobookvanga sínum:

Hendan túrin hava vit havt tveir skúladreingir í starvsvenjing umborð.
Óðnarveður var niður á fiskifeltið, so teir báðir, kollfirðingarnir Fríði og Bjartur, fingu eina heldur ógvusliga byrjan.
Sigast skal, at teir skjótt komu fyri seg og hjálptu til sum rættir fiskimenn. Teir vóru við til at gera ein roktúr á 1400 tons.
Tá fiska verður í EU-øki, skal meldast “inn” og “út” av økinum. So í gjár vóru vit til “checkpoint” inni í Lerwick fyri at melda “út”, áðrenn kósin varð sett heim til Føroyar at landa.
Samstundis sum teir fingu roynt sjólívið, upplivdu teir eisini nakrir tímar í landi í Lerwick.