Í februar vóru Martin Petur Strøm og Bartal Einarson Petursen úr 10. flokki í Tvøroyrar skúla í starvsvenjing hjá Varðanum Pelagic.

Teir valdu Varðan Pelagic, tí talan er um eitt áhugavert og fjølbroytt arbeiðspláss, har ein sleppur runt í allari fyritøkuni og fær innlit í nógv ymisk virkisøki.

Undir starvsvenjingini lærdu teir nógv um føroysku uppsjóvarvinnuna, uppsjóvar fisk og sølumarknaðir hjá Varðanum Pelagic, men best dámdi teimum á teknisku deild, har teir m.a. sluppu at sveisa, gera streymleingjarar og arbeiða uppá motorar.

Teir viðmæla øðrum fólkaskúlanæmingum at fara í starvsvenjing hjá Varðanum Pelagic, tí hetta gevur íblástur, tá ein seinni skal velja sína yrkisleið.

Vit ynskja Martin Petur og Bartal alt tað besta framyvir og takka teimum fyri, at teir valdu Varðan Pelagic til teirra starvsvenjing.