Tá ið man ikki kann súkkla til París, so má næstbesta loysnin verða ein súkklutúrur á syðstu oyggj í Føroyum. Tað er júst tað, sum Team Rynkeby gjørdi í vikuskiftinum, tá tey komu mannsterk til Suðuroyar at súkkla. Teirra fyrsti steðgur varð hjá okkum á Varðanum Pelagic. Vitjanin byrjaði við morgunmati og frásøgn um søguna hjá uppsjóvarvirkinum. Síðani varð skipað fyri einari rundvísing av virkinum.

Vit takka tykkum fyri, at tit seta so nógva tíð og orku burturav til eitt vælgerandi endamál, ið hjálpir álvarsliga sjúkum børnum. Tað gleðir okkum á Varðanum Pelagic at stuðla Team Rynkeby.