Leygardagin høvdu starvsfólk á Varðanum Pelagic starvsfólkadag, uml 160 starvsfólk við familju vóru við til dagin.

Dagurin byrjaði við morgunmati á Seglloftinum, síðani varð fari til gongu til, náttúruperluna, Hvannhaga, við á túrinum vóru gott 100 fólk.

Komin til Hvannhaga ótu fólk matpakka og síðani gekk leiðin oman í mølina, har fari var umborð á Thorshavn og RIB bátar, sum sigldi fólk til nýggja mentunarhúsið SALT.

Í SALT var góð konsert við Acyllex.

At enda var siglt yvir á Havnarlagið á Tvøroyri, har heilgrillaður grísur og annað gott var á skránni.

Hans Jacob og vinmenn spældu tónleik á havnarlagnum.