Svartkjaftaskipini fiska svartkjaft í føroyskum øki frá november og december og halda ofta fram í føroyskum sjógvi til einaferð í mars, tá ið tey vanliga fara suður í altjóða- og ES-sjógv. Fiskiskapurin í føroyskum sjógvi í ár hevur verið hampiligur.

Skipini royna nú sunnanfyri. Jupiter, Finnur Fríði, Tróndur í Gøtu, Fagraberg og Borgarin og onkur íslendari royna á leiðini á umleið 53,20 N og 15,54 V, vestanfyri Porcupine bankan (sum landkrabbar vilja siga vestanfyri Galloway). Teir hava leitað í eina viku, men har er onki at fáa beint nú.