Tróndur í Gøtu siglir heim við 1850 tonsum av sild. Teir hava roynt har sum føroysku skipin fiska sild í ár, norðanfyri Tromsø, á leiðini 70°46 N 20° E.

Tróndur í Gøtu gjørdi 4 hál. Sildin er góð, men heldur smá – 280 gram í miðal. Hetta er annar sildatúrurin hjá Tróndi í Gøtu. Fyrra túrin landaðu teir góð 1600 í Måløy. Tað tekur knapt 3 døgn at sigla heim, og teir eru júst komnir innum føroyska sjómarki, og verða væntandi inni í nátt ella í morgin ári.

Tróndur í Gøtu landar á Tvøroyri hjá Varðanum Pelagic, tá ið Voyager er liðugur at landa, helst annaðkvøld.

Veðrið hevur verið so avbera gott, og her eru tvær myndir av norðlýsinum, sum manningin á Tróndi í Gøtu hevur sent okkum.