Vit leita eftir einum nærløgdum og væl skipaðum starvsfólki til roknskapardeildina hjá Varðanum í Gøtu.

Um starvið

Talan er um eitt fulltíðarstarv við tíðaravmarking í 1 ár, við starvsbyrjan skjótast gjørligt ella eftir nærri avtalu..
Viðkomandi vil saman við starvsfeløgunum á skrivstovuni samskipa fjølbroyttu uppgávurnar og tryggja at dagligi raksturin og bókhaldið er dagført.

Førleikakrøv

Vit sóknast eftir einum persóni sum:
• Er ábyrgdarfullur
• Er væl skipaður – eisini tá nógv er at gera
• Er fyrikomandi og arbeiðssamur
• Dugur føroyskt og enskt í skrift og talu
• Hevur góðar KT-førleikar og er kringur á telduni
• Hevur góðar royndir við bókhald
• Hevur royndir við og er vanur at arbeiða í Excel
Tað er ikki eitt krav, men ein fyrimunur um viðkomandi hevur royndir innan Dynamics NAV/Business Central.

Uppgávur

• Skipað arbeiðið so bókhaldið altíð er dagført
• Skráseta inngangandi teldupostar
• Bóka; herundir umsita og avstemma debitorar/kreditorar
• Senda rokningar og kontoavrit
• Gjalda rokningar
• Lata inn MVG-uppgerð
• Avgreiða lønir og lønarflytingar
• Aðrar vanligar skrivstovuuppgávur
Uppgávurnar verða gjørdar í samstarv við starvsfeløgunum á skrivstovuni.

 
Setanarviðurskifti og umsókn

Vanlig arbeiðstíð er á skrivstovu felagsins í Syðrugøtu frá klokkan 08:00 til 16:00. Løn verður ásett eftir nærri avtalu.
Vilt tú hoyra nærri um starvið, ert tú vælkomin at seta teg í samband við Rana Nolsøe Johannesen, umvegis telefon +298 291685 ella teldupost rnj@vardin.fo.
Umsókn við prógvum, CV og møguligum viðmælum kann sendast til vphr@vardin.fo í seinasta lagi fríggjadagin 23. august 2024.