Dávid Jacobsen kom í starv á skrivstovuni hjá Varðanum í 2006, og hevur í hesi seinastu 17 árini røkt starvið sum tekniskur leiðari. Dávid er ein av eigarunum av Varðanum og var við til at stovna felagið í 1985. 

Dávid sigldi sum maskinstjóri við Tróndur í Gøtu og Finnur Fríða, ið bleiv leveraður í 2003. Eftir øll hesi ár sum tekniskur leiðari, hevði Dávid ynski um at minka um arbeiðsbyrðuna. 

Dávid kemur nú at taka sær av ymiskum verkætlanum og kemur eisini at umboða felagið í ymiskum nevndum, umframt at hann eisini er nevndarformaður í Varðanum.

Sum nýggjan tekniskan leiðara hevur Varðin sett Sámal Joensen. Sámal kemur frá einum starvið, sum leiðari hjá Mest á Skála. Hetta starvið hevur hann røkt tey seinastu árini. Sámal hevur útbúgving bæði sum maskinsmiður og skipsførari og hevur eisini siglt úti í verð.

Vit ynskja Sámal hjartaliga vælkomnan í nýggja starvið, sum tekniskur leiðari á Varðanum.