Framleiðslan á Varðanum Pelagic er byrjað, og virkið er fult í sving, nú nýggj og afturvendandi starvsfólk aftur manna fabrikkina.

Í síðstu viku hevði Varðin Pelagic kunningardag fyri nýggju starvsfólkunum, áðrenn tey høvdu sín fyrsta arbeiðsdag. Dagurin byrjaði við, at nýggju starvsfólkini fingu bjóðað kaffi og annað gott. Tað er umráðandi, at starvsfólk kenna seg vælkomnan á sínum nýggja arbeiðsplássi, og høvið varð til at heilsa uppá hvønn annan fyri at koma hvørjum øðrum til kennar.

Ein framløga varð hildin fyri nýggju starvsfólkunum, har tey fingu vitan um samtakið, bygnaðin og virkið. Varðin Pelagic framleiðir fiskavørur til matna til kundar kring allan heimin. Tí varð stór áherðsla løgd á handfaring av fiski, reinføri, arbeiðsmannagongdir og trygd, hetta fyri at tryggja bestu vørugóðsku.

Síðani vórðu nýggju starvsfólkini víst runt á virkinum, og tey fingu at vita, hvørjar arbeiðsuppgávur hvør einstakur fekk tillutað.

Tað gleðir okkum at hava nýggj og roynd starvsfólk aftur til arbeiðis á Varðanum Pelagic.