9. juni brendi virkið hjá Varðanum Pelagic í grund, eftir stóð frystihúsið og skrivstovan. Surimivirkið brendi ikki, men bygningurin hevði tó fingið skaða og bleiv tikin niður. Ein nýggjur bygningur verður bygdur, eitt nýtt nýmótans virki, sum skal standa klárt um árskifti ella tíðliga í nýggja árinum.

Fundamentið til bygningin og frystararnar verður stoypt í hesum døgum. Frystararnir koma til landið og verða settir upp heilt skjótt.

Tað er felagið hjá Thorman og Mortan Vang, SP/F MTV-BYGGIVIRK, sum stendur fyri byggingini av bygninginum.

Her eru nakrar myndir, sum vóru tiknar 13. september 2017.

Her síggjast maskinurnar, sum eru í holt við at stoypa fundamentini til nýggju frystararnar.

Fundamentini til nýggja bygningin verða stoypt.

Gott var at hesin múrurin helt.