Í dag hevur Jórun Fles lokið skrivstovu útbúgving. Jórun hevur staðið í læru í 2½ ár, og fyri nøkrum vikum síðan stóð hon sína yrkisroynd við einum flottum próvtali. Jórun er ágrýtin at læra nýtt, arbeiðssom og skilagóð. Í morgun var hátíðarløta á skrivstovuni í Gøtu, Bogi Jacobsen, stjóri, handaði Jóruni gávu og blómutyssi og bjóðaði skrivstovufólkunum góðan morgunmat og køku. Jórun heldur fram í starvi á skrivstovuni, og tað fegnast vit um. Vit ynskja henni hjartaliga til lukku við útbúgvingini og henni alt tað besta.

Bogi handar Jórun gávu og blómutyssi

Jórun fekk rustfríðar makrelar í gávu

Borðreitt var við góðum morgunmati og lagkøku