Finnur Fríði fór úr Skagen tíðliga seinnapartin í gjár, og verður inni á Gøtuvík umleið kl. 15 í morgin, leygardag 24. august. Skipið verður at síggja á víkini nakað áðrenn tað.

Dópur og móttøka verða um trý-tíðina við sangi og røðum, við kaiina í Norðragøtu. Reiðarí og manning vóna, at nógv fólk koma at gleðast saman við okkum. Høvi verður hjá øllum at vitja skipið, og ábit verður at fáa.