Síðstu dagarnar hava fólk frá søludeildini hjá Varðanum Pelagic verið á fiskarímessu í Boston í USA. Hetta er ein stór messa, serliga fyri tann amerikanska marknaðin.

Fleiri føroyskar fyritøkur eru við á messuni, millum annað Bakkafrost, Faroe Ship og Varðin Pelagic.

USA er vanliga ikki stórsti marknaðurin, tá ið talan er um pelagiskar vørur, sum vit føroyingar framleiða. Men heilt eigasórt er tað tó ikki; og tað er stórur marknaður fyri surimi, sum Varðin Pelagic fyrireikar seg til at framleiða. Ætlandi byrjar framleiðslan seinni í ár.

Umboðini fyri Varðan Pelagic á fiskarímessuni eru Bogi Johannesen, søluleiðari og Allan Smedemark, sølumaður fyri Asia og tann amerikanska marknaðin.